Në fushën e “Ekspertizës Financiare dhe Gjyqësore”, ofrojmë shërbime profesionale të cilat mbulojnë një gamë të gjerë analizash dhe vlerësimesh, të nevojshme për zgjidhjen e çështjeve ligjore dhe financiare. Ekspertët tanë janë të certifikuar dhe kanë një përvojë të thellë në fushën e analizës financiare, duke siguruar që çdo informacion të jetë i besueshëm dhe i saktë në proceset gjyqësore dhe vendimmarrjet.

Shërbimet që ofrojmë përfshijnë:

• Analiza financiare për çështjet Gjyqësore: përmes ekspertizave financiare Gjyqësore ne i ndihmojmë palët në konteste ndërgjyqësore, në konstatimin e dëmeve ekonomike, kontesteve financiare, fitimit të humbur, transaksioneve ekonomike, financiare dhe tatimore, të palëve në procese gjyqësore të lidhura me financat.
• Konsulencë financiare: ofrimi i konsulencës për çështje financiare dhe ndihmë në përgatitjen e raporteve dhe dokumenteve që do të përdoren gjatë proceseve gjyqësore.
• Hetime të pasurive dhe burimeve financiare: Në rastet e hulumtimeve të thelluara për pasuri të fshehura apo evazion fiskal, ekipi ynë ofron shërbime të specializuara për të zbuluar dhe analizuar pasuritë dhe burimet financiare.
• Trajtimi i çështjeve tatimore: ekspertët tanë ofrojnë shërbime të specializuara për trajtimin e çështjeve tatimore, përfshirë këshillimin dhe mbrojtjen e klientëve në lidhje me detyrimet tatimore dhe kontestet me autoritetet tatimore në Republikën e Kosovës.
• Shmangia tatimore dhe evazionin fiskal: ekspertiza financiare për shmangien tatimore apo evazionin fiskal, duke siguruar insitucionet relevante që individët dhe bizneset kanë ndjekur praktika të ligjshme dhe të qëndrueshme tatimore, respektimin e ligjit për tatimet dhe taksat në Repubkilën e Kosovës duke ndihmuar në parandalimin e shmangies tatimore dhe veprave të tjera me pasoja të mundshme ligjore.
• Trajtimi i drejtë i detyrimeve tatimore dhe financiare: Ofrimi i shërbimeve për menaxhimin dhe trajtimin e drejtë të detyrimeve tatimore dhe financiare, për të siguruar që insitucionet dhe subjektët [tatimpaguesit] të përmbushin detyrimet e tyre në mënyrë të saktë dhe në përputhje me ligjin.
• Trajtimi i kontestëve ndërmjet subjekteve dhe partnerëve në biznes: Ekspertët tanë ofrojnë ekspertiza të sakta për zgjidhjen e kontesteve dhe konflikteve ndërmjet subjekteve apo partnerëve në biznes. Kjo përfshin analizën e marrëveshjeve [kontraktimeve] të biznesit, vlerësimin e dëmeve ekonomike dhe financiare, duke ndihmuar në arritjen e një zgjidhjeje të drejtë dhe të qëndrueshme për palët e përfshira në konteste të ndryshme ekonomike, duke reduktuar pasojat negative dhe duke mundësuar një vazhdimësi të shëndoshë të marrëdhënieve biznesore.

Ekspertizat financiare dhe gjyqësore janë të rregulluara në Ligjin Nr. 08/L-191 për Ekspertët Gjyqësorë dhe Rregulloren Nr. 03_2022 për procedurat, kushtet dhe shpërblimin e ekspertëve gjyqësorë. Kjo siguron që çdo ekspertizë të jetë e realizuar në përputhje me ligjet, duke ofruar shërbime të besueshme dhe të sakta për çdo lloj procesi gjyqësor.